amalinks wokungena

Breaking News

Isahlulelo seEU: Kaluqhutshwanga Ngemfanelo Ukhetho lweZimbabwe


European Union Observer Mission
European Union Observer Mission

Iqula leEuropean Union elahlola ukhetho lweZimbabwe olusanda kwedlula lithi lolukhetho kaluqhutshwa kulandelwa izimiso zokhetho olubalulekileyo ezimele zilandelwe ngamazwe omhlaba.

Owayekhokhela leli qula uMnu Mark Stevens uveze lokhu ngoLwesithathu ngesikhathi esethula ugwalo lwabo olujulileyo mayelana ngalolukhetho, eHarare.

Ugwalo lolu lulezixwayiso iEuropean Union ethi kumele zilandelwe nguhulumende ukuze ezinye inketho ezizayo ziqhutshwe ngendlela ehloniphekayo ezakwamukelwa nguye wonke umuntu.

UMnu Stevens uthe lanxa kungayisiwo mlandu wabo njengeEU ukwahlulela ukuthi ukhetho lwaqhutshwa ngendlela ekhululekileyo kumbe hatshi, kunengi okungaqhutshwanga ngemfanelo okumele kulungisiswe.

Ikakhulu, uMnu Stevens uthe udaba lwabamaphephandaba kanye lemisakazo elawulwa nguhulumende ababesethula izindaba beyamele kuhlangothi lweZanu PF kumele lulungisiswe.

Uthe njalo kwaba lokwethuselwa kwabantu lokusetshenziswa kwenkokheli yosiko egoqela izinduna, okuyinto athi yaphambanisa ukhetho.

Ngokunjalo, uStevens uthe uhulumende kumele akulungisise konke lokhu ukwenzela ukuthi kungenzakali njalo esikhathini esizayo.

Unobhala jikelele womanyano wamabandla okholo lwesiKhristu oweZimbabwe Council of Churches, uReverend Kenneth Mtata, obekhona ekwethulweni kombiko weEU uthe uvumelana lalinhlanganiso.

please wait

No media source currently available

0:00 0:03:53 0:00
XS
SM
MD
LG