Iziphathamandla zeZCTU ezibotshwe ngoLwesine zisetheswa icala lokuqoqa umbuthano obungekho emthethweni zithi ukuhlukuluzwa kwazo ngamapholisa akusoze kuzenqabele ukuqoqa okunye njalo ukutshengisela esikhathini esizayo.
AbeZCTU laba batshaywe kabuhlungu babotshwa ngoLwesine ngaphambilini kokutshengisela ababekuqoqile phezu kokubhidlika komnotho lokwethulwa komthelo we2 percent ngumphathintambo obona ngezemali.
Lokhu kusolwe kakhulu ngabalwela amalungelo oluntu emhlabeni jikelele labenhlanganiso ezimela izisebenzi ezigoqela iSouthern African Trade Union Coordination Council.
Unobhala jikelele weZCTU uMnu Japhet Moyo ongomunye wabakade bebotshiwe utshele iStudio 7 ukuthi lanxa bengaze behlukuluzwe njani, bazaqhubeka belwela amalungelo ezisebenzi.
