amalinks wokungena

Breaking News

Citizens Alliance: Akukhulunywe Ngezwi Linye Lapho Uhulumende Esehluleka


UmongameliEmmerson Mnangagwa
UmongameliEmmerson Mnangagwa

Inhlanganiso ezimeleyo eyeCitizens Alliance ithi uzulu kumele akhulume ngazwi linye echothoza uhulumende weZimbabwe ngokuthatha izinqumo eziletha ubunzima empilweni kazulu engakhulumisananga laye.

Abenhlanganiso le bathi uzulu kumele afunde ukuzimela aphikise izinqumo ezithathwa ngabakhokheli abasezikhundleni ezehlukeneyo ezigoqela ezikahulumende nxa bengavumelani lazo.

Iziphathamandla zeCitizens Alliance zethule linkuthazo ngesikhathi ziphawula uhlelo lokukhulumisana ngokwenzakala elizweni kunsukwana ezisanda kwedlula.

Umqondisi wenhlanganiso le uMnu Briggs Bomba ulandise okunengi phezu kwaloluhlelo.

Omunye wabaphatheke kuloluhlelo uMnu Ashley Pfunye, omele uhlangothi lwezifundi labasakhulayo kuhlelo lwalinhlanganiso olweCitizens Cabinet, ugcizelele amazwi kaBomba.

UPfunye uthi bafuna uzulu weZimbabwe abe lesabelo kukho konke okwenzakalayo. Ngokunjalo, uthi uzulu kumele abe lesibindi sokuzikhulumela.

Wengeze wathi uzulu kumele abambane njalo akhulume ngalizwi linye.

Inhlanganiso yeCitizens Manifesto ithi balethemba lokuba ukukhulumisana phansi kohlelo lweCitizens Cabinet kuzasiza ekuthini uzulu avuleke amehlo abe ngowanelisa ukuzikhulula kunkokheli ayikhethayo lapho iphambuka kumsebenzi wayo kudale inhlalakahle yakhe elizweni.

please wait

No media source currently available

0:00 0:04:13 0:00

XS
SM
MD
LG