amalinks wokungena

Breaking News

Sebethengela Izihlobo Ezisekhaya Imithi AbeZimbabwe Abahlala eBotswana


Ama Pharmacy Awasemukeli Imali Yohlobo Lwe Bond

Abanye abeZimbabwe kweleBotswana sebeqale ukuthenga njalo bethumela imithi kanye lamaphilisi kuzihlobo labangane ekhaya, lokhe izitolo zemithi, ama pharmacies, aqala ukuthi asesamukela imali yakwamanye amazwe kuphela hatshi uhlobo lwemali yama bond notes.

Kulandela imbiko ethi abezitolo ezithengisa imithi lamaphilisi -ama pharmacies- abasathathi imali yohlobo lwama bond notes, befuna kuphela eyakwamanye amazwe, abanye sebebona kungcono ukuthenga imithi lamaphilisi phandle kwelizwe.

Abanye eBotswana abalezihlobo labangane abadinga usizo ngemithi lamaphilisi ekhaya, bathi sebeqale ukuthenga bethumela ekhaya.

Abadinga amaphilisi lemithi bathumela incwadi kadokotela etshengisa ukuthi kuthengwe luphi uhlobo lwamaphilisi lemithi, iprescription.

Umnunzana Edward Sibanda uthi evikini edluleyo uthumele abathathu ekhaya amaphilisi, ngemva kwezicelo zosizo…

"Ye, kulezicelo ezivela ekhaya ukuthi sithengele izihlobo imithi lamaphilisi, kukhanya kuyasilela kumbe kulodaba lokuthi amapharmacies afisa ukuhlawula ngemali yaphandle kwelizwe," kutsho uSibanda.

Abanye abafana lonkosazana Ireene Dube bayangena kweleBotswana ukuyathenga amaphilisi. Bathi kunzima ikakhulu kulabo abanatha amaphilisi okwempilo yabo yonke, kodwa, ngenxa yesimo ekhaya, abala ngeyinye indlela ngaphandle kokungena kweleBotswana bezothenga.

"Amaphilisi ayahlupha ukutholakala ngoba ama pharmacy athi afuna imali yakwamanye amazwe hatshi ama bond notes. Ngakho sibona kungcono ukuthi sithenge kweleBotswana ngoba intengo zakhona ziphansi, umumo ekhaya kwawusasivumeli," kutsho uDube.

Abanye abezitolo ezithengisa imithi eGaborone abaxoxe leStudio 7, bathi bazaphathisa labo abalencwadi zokuthenga imithi lamaphilisi ezivela kubodokotela.

Omunye othengisa kwesinye isitolo semithi, umnunzana Alfred Kwena uthi bazwile ngesimo eZimbabwe, njalo bazaphathisa, belandela imithetho ngokuthengiswa kwemithi kanye lamaphilisi.

"Sizwile ukuthi kulesimo ngendaba zemithi lamaphilisi eZimbabwe. Esingakwenza yikuthi siphathise labo abalama prescription, ngoba sihlonipha imithetho yokuthengisa imithi kanye lamaphilisi," kutsho uKwena.

Abezitolo zemithi bathi bona bathenga amaphilisi kanye le mithi ngemali yakwamanye amazwe yikho kumele izigulane zithenge ngemali engayisiyo ma bond notes.

EleZimbabwe libikwa lingasela maphilisi afana lokwehlisa ubuhlungu, ama pain killers, kanye lawofuba olokukhwehlela okungapheliyo awe Tubercolosis.

please wait

No media source currently available

0:00 0:02:36 0:00

Facebook Forum

XS
SM
MD
LG