WASHINGTON DC —
Ibandla leZanu PF lithi lizadinga imali eyizigidi eziyisikhombisa, i$7 million lenkomo ezilikhulu lamatshumi ayisithupha lantathu, 163 emcimbini walo oyenziwa minyaka yonke, Annual People’s Congress ozenzelwa Esigodini esigabeni seMatabeleland South ngoMpalakazi.
Ophethe ugatsha lokuphatha inhlelo zebandla, uMnu. Obert Mpofu utshele umsakazo we ZBC ukuthi bebelomhlangano ngoMvulo Esigodini lapho kade belungiselela khona lumhlangano.
Esanda khethwa ukukhokhela ibandla leZanu PF, uMongameli Emmerson Mnangagwa wathi umhlangano wanyakenye wawumele ube labantu abalutshwana ukwenzela ukulondoloza imali.