Umthethwandaba weleMelika ulahle udaba lukantombazana ophila ngokubukisa umzimba wakhe othi wayethandandana loMongameli Donald Trump obefuna ukuhlawulwa esithi uTrump wamgcona.
UNtombazana lo, ozithi ngu Stormy Daniels, wasa udaba lokuthi uTrump, olandulayo ukuthi wathandana laye baya ecansini, ubesithi ufuna ukuhlawulwa ngoba uTrump wathi umfanekiso owathiwa ngu Daniels ngowomuntu owamethuselayo ngodaba lokuthandana lo Trump ngowamanga.
UDaniels wacela ingcwethi kwezokudweba ukuthi idwebe umuntu athi wamlanda elengane yakhe wamuthesela esithi atshiyane lodaba lokuthi wathandana lo Trump ngoba engekela kukhulu okuzenzakala kuye.
UTrump wathi umfanekiso womuntu lo wawuyibuqili obuphindwe kanengi okwacunula uDaniels waya emthethwandaba.
UMahluli, uJames Otero esethula isingqumo uthe uTrump uyavunyelwa phansi kwesisekelo sombuso ukuthi akhulume okusenhliziyweni yakhe.
Kodwa amanye amacala asiwa emthethwandaba nguDaniels agoqela elokuthi wasayiniswa ukuthi amukele isivalamalomo sokuthi engakhulimi ngodaba lolu lokhu ezhubekela phambili.