amalinks wokungena

Breaking News

Ibandla leMDC Lisola Umthetho Obopha Abathela Ipetulo Ezigubhini


Ukusilela kwamafutha ezimota kuqhubekela phambili.

Ibandla leMDC elikhokhelwa nguMnu Nelson Chamisa selisole inyathelo eselithethwe nguhulumende elokwalisa abatshayeli ukuthenga amafutha ezimota bewathela ezigubhini. Inyathelo leli lzziswe ngumphathintambo obona ngokuhamba kwezimota uMnu Joram Gumbo izolo.

UGumbo uthe abayatholakala bethengisela abantu amafutha bewathela ezigubhini balakho ukuthathelwa ama-license nguhulumende.

Amagalaji amanengi abevele engafuni ukuthengisela uzulu amafutha ezimota ezigubhini lanxa bekungasimthetho obotshelwayo. Sixoxe lesiphathamandla seMDC uNKosazana Thabitha Khumalo.

“Umbuzo wakuqala yikuthi kuthe kuqalisa ukusilela kwamafutha emote zomlilo satshelwa ukuthi hayi, yinto encane nje iviki iphela into ziyabe zilungile. Lokhu okokuthi abantu kumele bayebhalisa emapholiseni kungena ngaphi bona babethe yinto ezaphela nje kathesi?” kutsho uMaKhumalo.

Uthi umuntu esuka emangweni onjengowe Tsholotsho engaphelelwa ngamafutha sokuzamela eyabhalisa emapholiseni.

UMaKhumalo uthi lokhu kutshengisa ukuthi ibandla le Zanu PF alinqoba kukhetho.

Epehndula umbuzo wokuthi njengamalunga edale lephalamende balawo yini amandla okudinga isisombululo uMaKhumalo uthi kulusizi ukuthi iphalamende izakuba ivaliwe kuyonale iviki lelandelayo ngoba kade bezabuza umphathintambo Gumbo ukuthi kanti kwenzakalani.

“Izulu liyeza kumele amatalakithi angene emasimini. So slisithela ukuthi amatalakitha agcwele iZimbabwe yonke le kumele andundumuke esiya ema filling station ukuyathela amafutha kukanti sasivele siwathengela amafutha siye khonangale ngoba asizo mota ezihamba emgwaqweni,” kutsho uMaKhumalo.

Wengezelele esithi sokumele umuntu asuke elamafutha eneleyo ngoba lapho ayabe esiyakhona uyenelisa ukuwaswela. Uthi lapho atholakala khona amafutha uyathola abantu bemelela kusukela ekuseni lizelitshone ilanga.

“Imithetho enje ikhombisa ukuba ibandla le Zanu PF libusy lifuna ukubulala umnotho ngoab akulanto enjalo emhlabeni ukuthi lanxa kusendlini nxa ufuna ukupheka isitshwala, imbiza ixwatha uthi uyavula ibhakede ufice akulampuphu khona ugujima ukuyathenga impuphu. Angithi uhlala olukulisaka okuncane ukwenzela ukuthi nxa leli liphela ubususebenzisa leli elitsha,” kutsho uMaKhumalo.

please wait

No media source currently available

0:00 0:02:57 0:00

Facebook Forum

XS
SM
MD
LG