Umsekeli kamongameli welizwe, uMnu. Constantino Chiwenga ubikwa ephendukile elizweni evela eSouth Africa lapho kade eselatshwa khona.
Iphephandaba le The Herald lithi uChiwengwa ubeselatshwa amanxeba awathola ngemva kokudubuka kwe gulunede enkundleni ye White City ngenyanga kaNtunulikazi lamanye njalo amanxeba awathola ngesikhathi sempi yenkululeko kuminyaka engamatshumi amane adluleyo.
UChiwenga kunye lomunye njalo umsekeli kamongameli, uMnu. Kembo Mohadi balimala labanye abambalwa kwafa abane ekudubukeni kwebhomba leli. Kodwa owaya esibhedlela ngemva kwesehlakalo lesi nguMohadi labanye uChiwenga wasla eqhubeka ngomkhankaso webandla.
Ngempelasonto kulomunye umama ophume kumabonakude esithi ngumzukulu ka Chiwenga efuna uChiwengwa athanadazelwe ngumpfofitha Alph Lukaku ngoba uyagula okubi kakhulu.
ULukaku wathi uChiwenga wanyathela umsila wesilwane waloywa njalo engekela ukuthandaza okuzwayo kungonakala.
Kulemfanekiso ephume kudaba lokuphenduka kuka Chiwenga etshengisa esehla endizamtshineni ebonakala ebusweni ukuthi mpela uyagula kodwa ezihambela engaphathiswanga.
Udaba lwe Herald luthi uphenduke lonkosikazi wakhe uMary Chiwenga kodwa emfanekisweni akekho umkakhe.