amalinks wokungena

Breaking News

Qalani Libuze Ukuthi Imali Ikhona Yini Lingakathumezi, Kuxwayisa iMoneyGram leWestern Union


Amakampani akubhizimusi lokuthumela imali afana leWestern Union kanye leMoney Gram sexwayise izizalwane zeZimbabwe ezihlala eBotswana ukuthi nxa zifuna ukuthumeza imali ekhaya kumele ziqale zifone zizwe ukuthi iyatholakala na.

Isixwayiso lesi siza ngesikhathi amankampani womabili ebikwa eyake eswele imali yokupha abayabe beyithunyezelwe yizihlobo labangane abaphandle kwelizwe.

Ukusilela kwemali emabhanga lakho kuyaqhubeka.

please wait

No media source currently available

0:00 0:02:59 0:00

Iziphathamandla zeWestern Union zitshele iStudio 7 ukuthi udaba lweZimbabwe lunzima ngoba umumo wokutholakala lokusweleka kwemali uguquka phose malanga wonke.

Isizalwane seZimbabwe esihlala kweleBotswana uMnu Siphesihle Ndlovu uthi yena uke wathumela imali ekhaya kwathatha isikhathi eside ukuthi izihlobo ziyithole.

"Ekhaya bayakhala bathi kwesinye isikhathi imali oyithumelayo ifika ingalingani, mhlawumbe batshelwe ukuthi bezothatha eseleyo ngelinye ilanga,” kutsho uMnu Ndlovu.

“Kwamanye amalanga kuthiwa akulamali, kodwa wena uyabe uthumele ukuthi isetshenziswe khonapho."

Okukhathaza abafana loNkosikazi Abigail Hlatshwayo yikuthi kwesinye isikhathi akulasixwayiso sokuthi izihlobo azingeke ziyithole imali nxa beyithumeza.

"Amanye amankampani awasitsheli ukuthi kawenelisi ukupha esibathumelayo imali. Sicina sisizwa ngabasekhaya ukuthi bayehluleka ukuthola usizo ngesikhathi," kutsho uNkosikazi Hlatshwayo.

Inkampani yeWestern Union yethule umbiko ngempelaviki isithi ukusilela kwemali eZimbabwe sekuyifake engxakini enkulu.

Ngokunjalo, ithe sokuzamele inikeze ingatsha zayo eZimbabwe imali yakwamanye amazwe ukuze zenelise ukuphathisa abadinga usizo.

Kodwa abanye sebebona kungcono ukuphathisa emabhasini, kumbe kulabo abayabe besiya ekhaya besuka kweleBotswana.

"Sesibuyele kundlela zakudala zokuphathisa. Noma kungathembekanga ukufaka ebhasini, kungcono ngoba uyakwazi ukuthi umuntu uzayithola imali kungelandaba zokuthi kusilela imali yakwamanye amazwe elizweni," kuchasise omunye.

Facebook Forum

XS
SM
MD
LG