amalinks wokungena

Breaking News

Iyaqhubeka Ikhomisheni kaMothlante Ngemva Kokukhomba Umunwe kuMDC


UMnu. Kgalame Mothlante owayengumongameli kwele South Africa lamanye amalunga ekhomishini ekholisisa ukudutshulwa kwabantu eHarare
UMnu. Kgalame Mothlante owayengumongameli kwele South Africa lamanye amalunga ekhomishini ekholisisa ukudutshulwa kwabantu eHarare

Ikhomisheni ecubungula imbangela yokubulawa kwabantu ekutshengiseleni okwenziwa ngemva kokhetho iyaqhubeka namhla ngemva kokukhomba umunwe kunkokheli yeMDC izolo ngabafakazi be Zanu PF.

Likhomisheni ekhokhelwa ngowayengumongemeli we South Africa, uMnu. Kgalema Mothlanthe ikhangelelwe ukwethula impumela ekupheleni kwenyanga ezintathu.

Izolo omunye umama osebenzela ibandla leZanu PF, uNkosazana Stella Matsengarwodzi wathi wabona umsekeli kamgcinisihlalo weMDC, uMnu. Tendai Biti kunye lowake waba yinkokheli yentsha yeZanu PF, uMnu. Jim Kunaka bekhuluma lababetshengisela ngemva kokuba bavuka ubhova baqala ukubulala impahla ebalisa izimota.

Kodwa ekuqaleni, kungakabunjwa ikhomisheni kwakuthiwa umbuzo omkhulu ngowokuthi kanti vele kwahamba njani ukuthi amasotsha akhalise imibhobho ngenhlamvu ezibukhali abulale abantu kodwa kathesi kukhanya ikhomisheni isicwayisisa ubuthakathi.

Likhomisheni iyaqhubeka namhla ngomsebenzi wayo.

XS
SM
MD
LG