amalinks wokungena

Breaking News

Abensundu Babandlululwa Okwesabekayo eChina, Kutsho uDr. Samantha Sibanda Othole Isicoco Sokulwela Ilungelo Labsensundu


Kutshengislwa kulandela ukubotshwa mahlayana kwabokholo lwesi Moslem abadabuka kwele Indian abavalelwe emajele eChina.

Olwela amalungelo abensundu abahlala kweleChina njalo engumkhokheli wenhlanganiso yeAppreciate Africa Network uDr. Samantha Sibanda uthi ukubandlululwa kwabantu abamnyama kubhahile kakhulu kulelolizwe.

UDr. Sibanda, yena osanda phiwa umvuzo ngumanyano weUnited Nations ngokumela izizalwane zaseAfrica eChina, uthi okudanisayo yikuthi ohulumende beAfrica bona bamukela ngesihle izizalwano zakweleChina emazweni abo.

"Ngafika ngase China ngingumuntu ozodinga umsebenzi but uyazi but indlela abasithatha ngayo thina abantu abamnyama uyazi ukuthi nxa lingakhangela emaphepheni liyezwa ukuthi basebenza lama government ethu kodwa ebantwini ku community nje bathatha umuntu omnyama ingani ngumuntu ongelancedo," kutsho uSibanda.

Uthi ama China babona ingani izwekazi le Africa yindawo yenyamazana, okuhlala khona abantu abadubekeayo. Njalo nxa bekunika umsebenzi uthi benza ingani bayakusiza bekuholisa imali ephansi kulalowo eliyabe lifunde okulinganayo owe China owenza umsbenzi ofana lowakho.

Uthi, njengomuntu ofundileyo kwamcunula kakhulu okwabangela ukuthi asungule inhlanganiso ethiwa Appreciate Africa Network.

Inhlanganiso le ilwela ilungelo labensundu kuzwekazi lonke ele Asia hatshi iChina kupohela.

Kunyanga ezimbalwa ezedluleyo kule museum ye China ebibukisa inyamazana zendle eziqathanisa labantu abensundu. UDr. Sibanda uthi nguye owalwisa ukuthi uvalwe lumbukiso.

Lokhju kwabangela ukuthi umanyano we United Nations umuphe umvuzo wokulwela ilungelo labensundu.

Kodwa uDr. Sibanda uthi bakhona abesilisa abakhonjwayo ngama China.

"Kodwa kungenzakala khonoko bayatshaya abantu njengalokho okuku kwenzakala kunsukwana ezisandwa kwedlula lapho omunye ujaha owayekhonjwe ngusisi weChina bamtshaya bambulala," kutsho uDr. Sibanda.

Uthi okunye okuhlaphayo yikuthi ama China abananzi umuntu oyabe efunde eAfrica.

please wait

No media source currently available

0:00 0:04:22 0:00

Facebook Forum

XS
SM
MD
LG