WASHINGTON DC —
Inhlanganiso ekhokhela inhlelo zokulwisana lomkhuhlane wengculazi elizweni, iNational Aids Council ithi abaphila legciwane leHIV kumele baqhubeke benatha amaphilisi abo njalo bengaze balalela imbiko yomfundisi uMnu Walter Magaya yena othi usethole umuthi wokwelapha igciwane leli.
Inhlanganiso le ithi uzulu kumele abekwazi ukuthi emhlabeni jikelele akulamuthi osutholakele owelapha umkhuhlane wengculazi.
Amazwi eNational Aids Council la agcizelelwe yinhlanganiso yabantu abaphila legciwane leHIV eyeZimbabwe National Network of People Living with HIV.
Ugatsha lwezempilakahle lalo lwethule umbiko izolo lusithi lukhathazile kakhulu ngamazwi kaMagaya.