WASHINGTON DC —
Amapholisa eHarare angene ngamandla emahofisini kaMnu Walter Magaya izolo ntambama edinga imithi uMagaya athi yelapha igciwane leHIV lomkhuhlane wengculazi.
Isikhulumeli samapholisa uMnu Paul Nyathi uthi babuzisise uMagaya, ongumfundisi weProphetic Healling and Deliverance, kabanzi ngaloludaba.
UMnu Magaya utshiye umhlaba umangele ngeSonto eze ememezele ukuthi usewutholile umuthi wengculazi njalo usenelise ukwelapha abantu abanengi eminyakeni embalwa edluleyo.
Abezempilakahle bona baxwayisa abaphila leHIV ukuthi baqhubeke benatha imithi yabo njalo bengaze balalela imbiko kaMagaya.
Yena uMagaya uthi uhulumende kumele avivinye umuthi wakhe nxa elokuthandabuza.