amalinks wokungena

Breaking News

Osomatekisi Bedolobho leGwanda Sebekhuphule Imbhadalo


Abanikazi bemitshova edolobheni leGwanda sebekhuphule imbhadalo yokugada ngokuphindwe kabili isuka ku$0.50 isiya kudollar elilodwa.

Lokhu sokubangele ukuthi abasebenzayo abanengi kanye labafundi bakhethe ukutshaya ngezikaAdam.

Unobhala jikelele wenhlanganiso yezakhamizi zeGwanda, uMnu Bekezela Maduma Fuzwayo, uthi lokhu akuhambelani leholo elitholwa yizisebenzi.

“Ukhumbule nxa umuntu elabantwana besikolo kusuka yena labantwana ababili lomama beyi4 besiya emsebenzini nsukuzonke kutsho ukuthi ngelanga kutransport kuphela basebenzisa $8,” kutsho uMaduma.

“Inyanga isiyaphela bayabe sebesebenzise imali engange$240; kanti kuholwa malini okokuthi abantu sebengaze babulalane kanjalo?

Kodwa usomatekisi uMnu Meluleki Nyathi uthi ngaphandle kokusilela kwamafutha ezimota, intengo yensimbi zokulungisa izimota isikhuphuke okumangalisayo, yikho nje bekhwezile imbhadalo.

“I-fuel kulezinsuku siyithola ku-black market njalo iyabe ilentengo ephezulu; abama-spares abasafuni ibond yikho lathi sesisithi dollar ukwenzela ukuthi sihlale sisemgwaqweni,” kutsho uNyathi.

please wait

No media source currently available

0:00 0:03:18 0:00

Facebook Forum

XS
SM
MD
LG