amalinks wokungena

Breaking News

UMapeza Utshayela Abafana Bakhe Ihlombe Ngokuphakamisa Inkezo yePremier Soccer League


Umqeqetshi weqembu lenguqu eleFC Platinum uNorman Mapeza uthi bekungekho lula ukuvikela isicoco sePremier Soccer League lonyaka loba nje beyenelise ukwenza lokhu kusele imidlalo emibili ukuba imidlalo ifike komlindi uyacina.

Iqembu leli lithe ngokunqoba eleShabanie Mine nge1 ka nya ngeSonto lakhuphula inani lemiklomelo elilayo yaya kumatshumi ayisikhombisa lane, okulinani elingeke lifikiswe liqembu leNgezi Platinum lona elisendaweni yesibili njalo elilemiklomelo engamatshumi ayisithupha lanhlanu.

Kusele imidlalo emibili kuSeason yalonyaka, okutsho ukuba kulemiklomelo eyisithupha eyabe idlalelwa ngamaqembu.

Ekhuluma lentatheli ekupheleni komdlalo, umqeqetshi weqembu leFC Platinum, uMapeza uthe ukudonsa kanye-kanye yikho okwenze baphumelela ukuvikela isicoco sabo.

“Ngitshayela ihlombe abafana bami. Loluhambo belungekho lula; belunzima kusukela ekuqaleni kweSeason kodwa siphumelele ngenxa yokubambana,” kutsho uMapedza.

Ngokwesibili iminyaka ilandelelana ukuba iqembu leFC Platinum liphakamise inkezo yeCastle Lager Premier Soccer League njalo ngokwesithathu ukuba uMapeza akhokhele iqembu liphakamise isicoco lesi njengoba eke wayiphakamisa leqembu leMonomotapa ngomnyaka ka2008.

Ngaphansi kwengalane amaqembu asesaziwa ukuthi ayabe edlala kusigaba sikaDivision One ngomnyaka ozayo ngabalisa eleShabanie Mine, eleMutare City Rovers kanye leleBulawayo City.

Elesine lizaphuma phakathi kwamaqembu abalisa eleBulawayo Chiefs, eleChapungu, eleNichrut kanye leleYadah.

Kunjalo nje, iqembu elimela ilizwe emdlalweni weCricket libuthelele ama-runs angu282 kuInnings yakuqala yomdlalo weTest eliwudlala leBangladesh khonale kweleBangladesh kwathi kuInnings yalo yesibili litshaye ama-runs angu181.

Iqembu leBangladesh lona lenelise ama-runs angu143 kuInnings yakuqala kwathi kweyesibili usuku lwesithathu luphele lilama-runs angamatshumi amabili lesithupha.

Lokhu kutsho ukuba iqembu leBangladesh lidinga ama-runs angu295 ukuba linqobe njalo lisalelwe ngama wickets alitshumi.

please wait

No media source currently available

0:00 0:02:06 0:00

Facebook Forum

XS
SM
MD
LG