amalinks wokungena

Breaking News

Abesifazana Abagogekileyo Kuhulumende: Asisebenzelaneni Ndawonye


Abesifazana abaphila lobugoga sebecele uhulumende kanye labenhlananiso ezilwela amalunelo oluntu ukuthi basebenzelane labo ekubunjweni kwemithetho ebalawulayo lenhlelo ezehlukeneyo eziphathelane labo.

Isicelo lesi siphume emhlanganweni oqoqwe yinhlanganiso yeWomen Coalition of Zimbabwe ongenwe zinhlanganizo ezilwela amalungelo abesifazana lamankazana.

Ekhuluma kulumhlangano, okhubazekileyo, uNkosikaza Sipho Majole oyisakhamizi sakoBulawayo uthe kubayize ukubalenhlelo ezibadingayo uma bengazane babuzwe ukuba yini abayikhangeleyo.

“Uma singekho ekuhleleni inhlelo njengabomama abakhubazekileyo kubayize, indaba yethu yithi esiyaziyo thina abakhubazekileyo, umuntu onakhubazekanga ngeke angimele njalo abalunelo ethu onke ayephulwa kungabindabazalutho,” kutsho uNkosazana Majole.

Umqondisi weMthonjeni Womens Forum, uNkosikazi Sikhathele Mathambo uvumelane loMajole esithi amalungelo abomama lokhe encindezelwa.

“Amalungelo abomama lokhe engcindezelwe njalo lokhu kuqhutshwa ngobaba kakhulu njalo sesilenhlelo emakhaya ekuhlomiseni omama ukuba bangavumi ukungcindezelwa,” kutsho uNkosikazi Mathambo.

please wait

No media source currently available

0:00 0:07:02 0:00

Facebook Forum

XS
SM
MD
LG