amalinks wokungena

Breaking News

Ubotshiwe uSuper Mandiwanzira Ngamacala Enkohlakalo


Owayengumphathintambo obona ngokusetshenziswa kwemitshina yakulezinsuku uMnu Super Mandiwanzira ubotshiwe ngoMvulo esetheswa amacala enkohlakalo amabili.

Amapholisa athi icala likaMandiwanzira elakuqala ngelokupha inkampani yeMegawatt umsebenzi owawulembhadalo yezigizi ezinhlanu, ngokungekho emthethweni.

UMandiwanzira ubikwa wayelesabelo kulinkampani.

Imbhadalo yavinjwa lugatsha olubona ngokuphiwa kwamakontilaka ngemva kokunanzelela ukuthi iMegawatt Compani yayiphiwe umsebenzi kungalandelwanga umthetho.

Icala lesibili ngelokulaya ugatsha lwePOTRAZ ukuthi luqatshe uMnu Tawanda Chinembiri, owacina kubangela ukulahlekelwa kwalolugatsha yimali efika ku$35,000.

UMandizwidza, ongumeli weNyanga South edale lephalamende, uzamiswa emthethwandaba kusasa.

please wait

No media source currently available

0:00 0:02:58 0:00
XS
SM
MD
LG