amalinks wokungena

Breaking News

Iyaqhubeka Ingxabangxoza koBulawayo Phezu Kodaba Lomsekeli kaMayor


Ingxabangxoza iyaqhubeka kubandla leMDC elikhokhelwa nguMnu Nelson Chamisa phezu kodaba lwabosodolobho, ikakhulu umsekeli kaMayor wakoBulawayo uMnu Tinashe Kambarami.

Kunsukwana ezedluleyo, inkokheli yebandla leli ilaye uMnu Kambarame ukuthi asuke esikhundleni sakhe kungene uMnu Mlandu Ncube.

Ukwenzile lokho kodwa usuke wancintisa njalo kukhetho olwenziwe ngempelaviki wabuyela esikhundleni lesi ngoba bekungelamuntu oncintisana laye, okuyinto ecunile inkokheli yeMDC.

UNcube kasancintisanga ngezizatho ezingazakaliyo. Kulengxabangxoza njalo kuMDC phezu kodaba lukaMayor weVictoria Falls loweMasvingo.

Uzulu wakoBulawayo obevele elwisa ukuthi uKambarame asuke esikhundleni uthabe okwesikhatshana kodwa waphanga wadana esesizwa lokhu.

“I think inkinga ikuChamisa, ama-decision awathathayo a-personal osekusenza ukuthi iParty isingadilika anytime,” kutsho uMnu Phathisa Mlambo.

“Bekumele ayekele izinto zizihambele kuze kufike ekucineni. Ngendlela osekusenzakala ngayo iZanu PF isingabangena njalo. Bekumele bathathe imbono yethu lathi.”

Isiphathamandla sebandla leZapu uMnu Iphithule Maphosa yena uthe okwenziwa libandla leMDC lokhu kuveza ukwehluleka kwalo ukuqhuba umsebenzi kuhle.

“Kusobala ukuthi into abayenzayo ayilani labantu ikakhulu abantu bakoBulawayo labeMatabeleland. Lapha bafuqa i-agenda yabo eyeShona supremacy,” kutsho uMaphosa.

please wait

No media source currently available

0:00 0:04:35 0:00

Kusenjalo udaba luka sodolobho weVictoria Falls uMnu. Somvelo Dlamini kanye lomunye wakhe we Chegutu, uMnu. Henry Muchatibaya, lamakhansila ayisithupha alelodolobho abamiswa umsebenzi ngengxabano ekukhetheni o mayor, luzathethwa ekuqaliseni kweviki ezayo.

Lokhu kuvezwe yisiphathamandla sebandla leMDC esibona ngeziphathelane lamakhansila uMnu. Sesil Zvidzai exoxa leStudio 7.

Ukuze sihlaziye kabanzi okwenzakala kulelibandla ngamakhansila labosodolobho, sixoxe lomsekeli wesikhulumeli seMDC uMnu. Bekithemba Mpofu oqala ngokuchasisa ngokwenzakala koBulawayo, esungula ngoKhansila Kambarami.

please wait

No media source currently available

0:00 0:02:30 0:00

Facebook Forum

XS
SM
MD
LG