amalinks wokungena

Breaking News

Ababalisi Batshengisele Besithi Bafuna Ukuholiswa ngeDollar leMelika


Ababalisi abangamalunga enhlanganiso yeProgressive Teachers’ Union of Zimbabwe batshengisele eHarare ngoLwesihlanu besithi bafuna uhulumende abahlawule ngedollar leMelika.

Ababalisi laba bafikise incwazi yezikhalazo zabo kugatsha lwezemali, olwezemfundo kanye lakugatshwa lwamaInsurance olwePSMAS.

Omunye wabaphatheke ekutshengiseleni lokhu nguMnu Tawanda Zimba, yena obona ngokuqhutshwa kwenhlelo zePTUZ.

“I-PSMAS iyasincindezela. Ezibhedlela sithola kungela mithi njalo bayabe befuna amaUS$; thina amaUS$ kasiwatholi ngoba sibhadalwa ngebond,” kutsho uMnu Zimba.

“Uhulumende kumele asibhadale ngamaUS$ ngoba imali abasinika yona, kayisaneli.”

Amazwi kaZimba agcizelelwe ngesinye njalo isiphathamandla sePTUZ, uMnu Abiot Moyo.

“Iproblem ekhona ngeyokuthi singahamba sifuna ukwelatshwa bafuna amaUS$. AbamaMedical Aid Society ethu kabafuni ngoba kababhadali. So sicela uhulumende layo iPSMAS babhadale.”

Ukutshengisela kwePTUZ lokhu kuza ngesikhathi amalunga enhlanganiso yababalisi bemaphandleni iAmalgamated Rural Teachers Union of Zimbabwe lawo ephakathi kokukhalala umsebenzi ngezizatho ezifanayo.

please wait

No media source currently available

0:00 0:04:30 0:00

Facebook Forum

XS
SM
MD
LG