amalinks wokungena

Breaking News

Abesifazana Bafundiswa Ukuthunga amaSanitary Pads Okusebenzisa Kanenginengi


Inhlanganiso yeInspire Women and Children ngoMvulo iqhube uhlelo lokufundisa abesifazana koBulawayo ukuthunga impahla yokusebenzisa ngasese nxa besesikhathini (ama-sanitary wear) emizameni yokubalekela intengo yayo ephezulu.

Ama-sanitary pads lawa alakho ukuwatshwa loku-ayinwa asetshenziswe kanengi-nengi.

Abesifazana abaphatheke ezifundweni lezi baveze ukuthi le yinto engabasiza kakhulu ngoba bevele bethwele gadalala ngokuthola imali yama-pads.

“Thina sifundisa ngokusebenzisa ama-reusable sanitary pads; sifundisa omama ngokuthi bazincedise,” kutsho isiphathamandla seInspire Wiomen and Children Foundation uNkosikazi Lindiwe Maseko.

“Kwesinye isikhathi uyezwa kuthiwa abantwana kabahambanga esikolo ngenxa yokuthi basesikhathini. Esikufundisayo yikuthi umuntu uyabe ewatsha, njalo kuyaseva esikhwameni.”

Ekhuluma ngokuqakatheka kokuhlanzeka, omunye wabangene lumhlangano uNkosazana Bianca Chinamasa uthe kuqakathekile ukuthi umuntu wesifazana ahlale ehlanzekile ikakhulu nxa esesikhathini.

“Kuqakathekile ukuthi umuntu ongumama ahlanzeke ikakhulu nxa esesikhathini. Nxa engayekela ukugeza ucina esiba lephunga,” kutsho uNKosikazi Chinamasa.

Amazwi akhe agcizelelwe ngomunye njalo ongene umhlangano lo uNkosazana Buhlebenkosi Mhlanga.

“Uhlelo lolu lubalulekile ikakhulu emakhaya ngoba esikhathini esinengi akulalwazi. Esikhathini esinengi siyafa njengabafazi ngezinto ezincane ngoba singakwazi. Kulezinsuku sekulezinto ezinengi ezokusebenzisa,” kutsho uNkosazana Mhlanga.

please wait

No media source currently available

0:00 0:05:57 0:00

Facebook Forum

XS
SM
MD
LG