amalinks wokungena

Breaking News

Ummeli weleBhilitane eZimbabwe Uthi Kulenkulumo Phakathi Kwabohulumende Bobabili


Unkosazana Melanie Robinson

Osandakhethwa ukuba ngummeli ukumela eleBhilithane eZimbabwe uNkosazana Melanie Robinson useveze ukuba uhulumende wakhe uqhubekela phambili ngenkulumo zenguquko kwezomnotho lezombusazwe njalo usebenza lebhanga eliphathisa amazwe ele International Monetray Fund, IMF, lona eselithunyelwe eZimbabwe ukuya chwayisisa ngezomnotho.

Ekhuluma labenhlanganiso emele izizalwane zeZimbabwe eNgilandi eye Zimbabwe Diaspora Focus Group eLondon, uNkosazana Robinson uthe usebenze kakhulu kwezentuthuko njalo ukuya kwakhe eHarare ukhangelele ukuqinisa ubudlwenane belizwe lakhe leZimbabwe kwezomnotho, inhlalakahle lamalungelo oluntu ukuze eleZimbabwe lithuthuke.

“Everybody is having a good look at the economic situation and trying to work out where Zimbabwe is. There is an IMF mission there at the moment trying to work out things. You know for the last few years, the approach of Zimbabwe, we all know is trying to keep the economy going this way, probably they have a few challenges l could say within the economic systems, that team now working to see, really to assess what the situation is on the economy and to then recommend to the government,” kutsho uRobinson.

Umumo wezomnotho ukhanya ungathuthuki kweleZimbabwe. Ele Bhilitane ngelinye lamazwe elalithembise ukuphathisa ele Zimbabwe ngemali nxa ukhetho lungenziwa kungela kuthandabuza ukuthi ongqobileyo ngubani. Kodwa lelilizwe lokhu limadolonzima ekuphathiseni ele Zimbabwe.

Abantu abanengi bayakhala ngodubo olukhona kodwa uNkosazana Robinson uyagcizilela ukuthi kumele kwenziweni.

“Create that workable cycle of actually getting investment into the country, and creating jobs and allowing people to have quality jobs not hassling jobs. But that is quiet a long pathway to do those reforms and to get the economy back on track. We are interested to see what the IMF proposals are and what the Zimbabwe government is suggesting and the budgets is coming up next they gonna take on board interms of those reforms. There is potential some quite tough actions which that need to be taken,” kutsho uRobinson.

UNkosazana Edna Mwase ngomunye walabo ababenxuswe kulumhlangano wokukhuluma loNkosazana Melanie Robinson

Ngokumbona kwami mina ukhanya engumuntu ozwisisayo, engumuntu okwaziyo ukuthi iZimbabwe ime njani, kwavela into ezinengi esazikhulumayo sazicelisa ukuthi azikhangele, sazicelisa khonokhu ukuthi akhangele ilizwe lonke jikelele

UMnu. Arthur Molife kasuthesekanga ngokwakhulunywa ngu Nkosazana Robinson

“Kodwa wala ukusitshela nje ukuthi amapriorities amaBritish kuyini, wathi usuyafunda ukuthi azwe ukuthi ama priorities kuyini. Ngithemba ukubana wezwa ukuthi sasisithini thina abangaphandle ngapha, ukuthi bake basilalele lathi, hatshi ukusi ignowa, lokho abahlala bekwenza,” kutsho uMolife.

UNkosazana Melanie Robinson oqala umsebenzi ngenyanga kaZibandlela ngomnyaka ozayo ukhangelelwe ngabanengi ukuthi uzaphathisa ukuthi abezomnotho babuye kwele Zimbabwe ukuzothuthukisa ilizwe ngokuvula amabhizinisi lokuqeda udubo lwemali. URobinson uthatha isikhundla ebesiphethwe nguNkosazana Catriona Laing.

Facebook Forum

XS
SM
MD
LG