amalinks wokungena

Breaking News

Inhlanganiso Ezizimeleyo Zibamba Iqhaza Phezu Kwendaba Zodlakela


Inhlanganiso ezitshiyeneyo koBulawayo zihlangene ngoLwesithathu zikhulumisana ngezehlakalo zeminyakeni edlulileyo, ikakhulu ezodlakela ukuze kusungulwe indlela zokukhumisana umlotha.

Umhlangano lo uqoqwe nganhlanganiso yeCentre for Study of Violence and Reconciliation (CSVR) ibambane leyeNational Transitional Justice Working Group (NTJWG).

“Umhlangano walamuhla uhlose ukuthi sikhangelisise izehlakalo ezenzakala kuleli ezigoqela ukuhlukunyezwa kusukela ngesikhathi seGukurahundi,” utsho isiphathamanda seCSVR uNkosikazi Annah Moyo.

“Asikhangeli lokhu kuphela; sizakhangela lokwenzakala mhlaka 1 August. Sizama ukuthi sibone ukuthi singaqhubekela njani kusiya phambili.”

Ekhuluma njalo kulumhlanga, umsekeli kamgcinisihlalo weNTJWG uMnu Paul Themba Nyathi uthe lumhlangano uhlanganise inhlanganiso ezinengi ngenjongo yokuzwa imibono etshiyeneyo.

“Yikho silamalunga ephalamende, silamalunga eNPRC, leHuman Rights, wonke lawa ngamalunga kahulumende. Ngakho yiwo asizayo nxa kufanele kufakwe imithetho,” kutsho uMnu Nyathi.

Induna uMnu Khulumani Mathema ohlala eGwanda uthe izinduna zilendima enkulu ezingayidlala kuloludaba.

“Wonke umuntu elizweni ulenduna, njalo abantu abaphathwa kubi ngabethu. Esikukhangeleleyo yikuthi abantu benzelwe lula bengabuzwa imibuzo eminengi. Sikhangelele ukuthi i-government ikwenze kube-open, njalo kucace ukuthi umuntu wabulawa yiGukurahundi shot with 8 bullets,” kutsho uMathema.

Umhlangano lo uzaqhubeka ngoLwesine uyephela ngoLwesihlanu njalo abantu abahlukunyezwa ngumbhuqazwe weGukurahundi leMurambatsvina lokunye bazavakatshelwa ukuze kulondwe ubufakazi obuzaphathisa ukuthi kulungisiswe ngendlela eqondileyo.

please wait

No media source currently available

0:00 0:07:31 0:00

Facebook Forum

XS
SM
MD
LG