amalinks wokungena

Breaking News

Sebeze Bavunyelwa Ukungena Kukhetho Lwe Zifa Kade Bevalelwe Phandle


Inguqu

Sebevunyelwe ukuphatheka kukhetho olokudinga inkokheli entsha eyenhlanganiso ebona ngezenguqu elizweni, eye Zifa, abathathu abakade sebevalelwe phandle.

Umgcinisihlalo wequla elibona ngokuqhutshwa kokhetho olokudinga inkokheli entsha eyenhlanganiso ye Zifa uVusilizwe Vuma ulobe incwadi ebisazisa ngokuvunyelwa kwabathathu abakade besenqabelwa ukuphatheka kukhetho olozaqhutshwa ngempelaviki ezayo.

Laba abathathu ngababalisa uFelton Kamambo, uGift Banda, kanye lo Mlungisi Moyo.

UKamambo ufuna ukuncintisana lo mongameli wenhlanganiso ye Zifa uPhilip Chiyangwa kuthi uBanda yena ufuna isikhundla esokuba ngumsekeli kamongameli esiphethwe ngu Omega Sibanda ikanti uMoyo ufuna ukuba lilunga lekhomithi.

Bobathathu laba kwakuthiwe kabafanelanga ukuphatheka kukhetho kodwa besebethethe amanyathelo okuba bephikisane lalesonqumo.

UKamambo lo Banda bebekhweze udaba lwabo kukhomithi ye Zifa Appeals yona eyagcizelela isinqumo se Zifa Electoral Committee esokuba abalungelanga ukuphatheka kukhetho yikho isinqumo esokuba sebengaphatheka simangalise abanengi abalandela umdlalo wenguqu.

Olandela umdlalo wenguqu uSibonakaliso Ndlovu uthi isikhathi okukhutshwe ngaso umbiko wokuba laba abathathu sebevunyelwe ukungena kukhetho siyasolisa.

“Lesi sekuyisitsotsi sibili esesiyenzakala ngoba kunjenje laba abantu bazakhankasa nini njengoba namhla kungoLwesibili lona ukhetho lungoMgqibelo pho ke laba abantu bazabe sebethole nini isikhathi esokuba bekhankase emphakathini?” kutsho uNdlovu.

Kusenjalo owayengumgcinisihlalo wenhlanganiso ye Zifa kucele le Southern Region uMusa Mandaza umangalele inhlanganiso ye Zifa emthethwandaba we High Court ensukwini ezedluleyo esithi ukhetho lungaqhubekeli phambili ngoba elensolo phezu kwendlela anqotshwa ngayo ngu Andrew Tapela.

Abanye abazaphatheka kukhetho lwangempelaviki nxa lungaphumelela ngababalisa uSugar Chagonda, uStanley Chapeta, uRodrick Chamunorwa Chiwanza, uBryton Malandule kanye lo Barrymore Manandi.

please wait

No media source currently available

0:00 0:01:44 0:00

Facebook Forum

XS
SM
MD
LG