Izisebenzi zikahulumende ziqale ukuhola imali yama-bonus ngoLwesithathu kodwa zikhonona ngokuthi imali le inlutshwane.
Ngokunjalo, inhlanganiso emela izisebenzi zikahulumende, iApex Council, ilobele umphathintambo wezisebenzi incwadi ikhonona ngaloludaba.
Inhlanganiso le ithi ekuqoqeni ama-bonus, uhulumende ubemele agoqele ama-allowances atholwa yizisebenzi zakhe njengalokho obekuvele kusenzakala.
Amalunga eApex Council azahlangana eHarare ngoLwesine ekhulumisana ngaloludaba.
Abathole ama-bonus abo ngoLwesithathu babalisa amasotsha, amapholisa, abamajele kanye labezempilakahle.
Ababalisi bazahola ngoLwesine kuthi ezinye zonke izisebenzi zikahulumende zihole ngoLwesihlanu.
Unobhala jikelele wenhlanganiso yeZCTU uMnu Japhet Moyo utshele iStudio 7 ukuthi labo bathukuthele kakhulu ngodaba lwama-bonus lolu.
