amalinks wokungena

Breaking News

Inkisela yaseBhilithani Ivinjiwe yiZanu PF Ukufakaza Ngenkohlakalo yeHwange Colliery


Kuqhamuke ingxabangxoza edale lephalamende ngoMvulo lapho amalunga ebandla leZanu PF avimbe khona usomabhizimusi olobudlelwano lalelibandla ukupha ubufakazi ngokwenzakalayo kunkampani yeHwange Colliery.

UMnu Nick Van Hoogstraten, oyinkisela yakweleBhilithani, ulesabelo kulinkampani njalo ubebizwe yikomidi yephalamende ebone ngemisebenzi yokwemba ukuthi azefakaza ngembangela yokungaqhubi kuhle umsebenzi kwalinkampani.

Kodwa amalunga eZanu PF amvimbile esithi udaba lolu luphambi komthethwandaba. Ngokunjalo, belungeke luphathwe yiphalamende.

Lokhu kucunule kakhulu umgcinisihlalo wekomidi ebize uHoogstraten uMnu Temba Mliswa wathi ulakho ukutshiya umsebenzi.

UMnu uHoogstraten ngokwakhe utshele intathelizindaba ukuthi amalunga eZanu PF lawa azama ukumvimba ukuthi engachayi imisebenzi yenkohlakalo enzakalayo eHwange Colliery.

Kodwa ilunga lekomidi kaMliswa le uNkosikazi Sibusisiwe Masara utshele iStudio 7 ukuthi ngempela uMliswa uphambanisile ngokubiza uHoogstraten ngoba udaba lwakhe lusenkantolo.

please wait

No media source currently available

0:00 0:03:02 0:00

Facebook Forum

XS
SM
MD
LG