Endabeni zethu lamhlanje ……………..
************* Inkampani yeNational Foods kanye leye Delta Corporation sezivale amafekithali eHarare lakoBulawayo lanxa kulamanye ambalwa abikwa elokhu esebenza.
************* Sixoxa leZizalwane zeZimbabwe ezihlala eUnited Kingdom, ngokuphuma kwalelolizwe kumanyano we European Union.
************ Ikhomithi yedale lesenate eMelika eyeAfrica and Global Health Policy, eyabe iholwa nguSenator Jake Flake, icubungula isimo seZimbabwe selokhu kwedlula ukhetho.
************ Owayengumongameli weMelika uMnu. George H. W. Bush ubekwa namuhla emathuneni eTexas.
********** KuLiveTalk namhlanje kuhlelo oluphathelane lendaba zabesifazana, “Asiyihluzeni Bomama” sihlaziya ukuthi abesifazana bengathuthukiswa njani ukuthi bephathe izikhundla zobukhokheli, kanye lokuzivikela kudlakela olwenzakala ezindlini. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
