Abalwela amalungelo abasakhulayo bathi ukusetshenziswa kwezidakamizwa ngontanga kuyadlondlobala njalo bathi umuntu wonke ulomlandu wokulwisana laloludubo.
Bathi ukusilela kwemisebenzi lokonakala komnotho kwenza loluhlupho ludlange ngamandla.
NgoMvulo izakhamizi zakoBulawayo elokitshini leEntumbane zitshengisele endlini yomunye umsolwa owaziwa ngokuthi nguMaHadebe besithi usewone abantwana ngokubathengisela izidakamizwa.
Ngeviki edluleyo koBulawayo njalo kulepholisa elibotshiweyo ndawonye labanye abasolwa besetheswa icala lokuthengisa izidakamiswa.
Udubo lolu lubikwa lubhahile endawoni ezitshiyeneyo zelizwe ezigoqela esigodlweni, eHarare.
Omunye wabasakhulayo abatshengisele eEntumbane uNatasha Mponde utshele iStudio 7 ukuthi okubadanisayo kakhulu yikuthi amapholisa akhanya engelandaba labathengisa izidakamizwa lezi.
