amalinks wokungena

Breaking News

Bemba Phansi Odokotela Bathi Kababuyeli Emsebenzini


Odokotela bathi ukukhalala umsebenzi kwabo okuqale ngeviki edluleyo kuyaqhubeka lanxa uhulumende eke wethula umbiko wokuthi sebebuyelile ezibhedlela.

Umkhokheli wenhlanganiso yeZimbabwe Hospitals Doctors Association (ZHDA), uMnu Elias Muzoremba utshele intathelizindaba ngoLwesithathu ukuthi bazabuyela emsebenzini kuphela nxa uhulumende engalungisisa izikhalazo zabo.

Izikhalazo lezi zigoqela esokuthi uhulumende kumele athenge imithi yokwelapha izigulane esilelayo ezibhedlela abuye njalo ahlawule odokotela ngedola leMelika.

“Mina njengodokotela akungiphathi kuhle, ngilalo ulwazi kodwa angilakho okokusebenzisa ukuthi ngisize uzulu ngalolo Lwazi,” kutsho uMuzoremba.

“Ulwazi lwami lodwa ngaphandle kokudingakalayo okunjengemithi lemitshina yokusebenzisa kuba yinkinga ngoba anganelisi ukusiza abaza ezibhedlela ukuzadinga usizo, ngiyababukela nje.”

Amazwi kaMnu Muzoremba asekelwe ngunobhala jikelele weZHDA uMnu Mthabisi Bhebhe, yena oveze njalo ukuthi inkulumo asebezenzile lohulumende kaziphumanga lalutho.

“Sihlangane labo kabili and izinto ebesikhuluma ngazo akula nto abayikhulumileyo ehambelana lokuncedwa kwezigulane. Izinto esizitshelwayo yikuthi kulento ezenzakalayo ngemuva kodwa asikazitshelwa lezo zinto,” kutsho uBhebhe.

Kasenelisanga ukukhuluma lomphathintambo wezempilakahle uMnu Obadiah Moyo ngaloludaba.

please wait

No media source currently available

0:00 0:03:30 0:00
XS
SM
MD
LG