amalinks wokungena

Breaking News

Abokholo lwesiKhristu Baphatheka Kumkhankaso Wokulwisana Lodlakela Ezindlini


Abokholo lwesiKhristu babuthanise abasakhulayo eHarare ngempelaviki ngenhloso yokubafundisa indlela zokwenqabela udlakela phakathi kwabesilisa labesifazana.

Umbuthano lo uqoqwe yinhlanganiso yeZimbabwe Council of Churches (ZCC).

“Kuyinto esikhathazayo kakhulu njengamakholwa labafundisi nxa sikhangela ama-statistics lokwanda kodlakela olunje, kutsho uMnu Roben Shumba, ongumfundisi esontweni yeEvangelical Lutheran Church of Zimbabwe.

Amazwi la agcizelelwe yisiphathamandla seZCC uNkosazana Moreblessing Mbire yeba uthe inhlanganiso yakhe ikubone kuqakathekile ukuthi iphathe imihlangano lemikhankaso enje labatsha elizweni jikelele.

“Sibone ukuthi abatsha bayinxenye enkulu kakhulu yabantu bonke kuleli sabona kufanele ukuthi sibabuthanise baphatheke ekulwisaneni lodlakela olunje kulokubatshiya ngaphandle,” kutsho uMbire.

Umkhankaso lo uza ngesikhathi amazwe omhlaba esanda qeda nanza umzabalazo wokulwisana lokuhlukuluzwa kwabesifazana ezindlini, owe16 Days of Activism Against Gender-Based Violence.

please wait

No media source currently available

0:00 0:03:43 0:00

Facebook Forum

XS
SM
MD
LG