Izanusi zomkhathi zithi kuleyezi elizaletha izulu elinengi elizweni lonke jikelele kusiya ekupheleni kweviki, okuyinto ethakazelelwa ngabalimi.
Izulu leli lihle laqala izolo njalo likhangelelwe ukuqhubeka namuhla lakusasa.
Ugatsha lweMeteorological Services luthi izigaba ezilakho ukuthola izulu elidlulise amalawulo zigoqela iMasvingo, iManicaland kanye leMashonaland East.
Lolugatsha luxwayise njalo abantu ukuthi baqaphele ngoba izulu leli lizakuba lezavunguzane, isiqhotho kanye lombane.
Abantu abanengi besebelahlekelwe lithemba ngoba izulu likhanya lisilela lonyaka, okubangele ukuthi inengi liphuze ukulima.
Izifuyo lazo besezisifa ngokucuba kwezinye indawo.
Isakhamusi seBambadzi, ePlumtree uMnu Difa Dube utshele iStudio 7 ukuthi litshone lichitheka kulumango izolo.
