WASHINGTON DC —
Inhlanganiso yeZimbabwe Teachers Association (ZIMTA) ithi ababalisi abangamalunga ayo kabasoze baye emsebenzini ekuvulweni kwezikolo ngoLwesibili ngoba bengela mali yokugada amabhasi.
Ithi njalo uhulumende kumele ahlawule ababalisi ngedola leMelika.
Inhlanganiso yababalisi bemaphandleni eyeAmalgamated Rural Teachers Union of Zimbabwe (ARTUZ) layo seyamemezela ukuthi amalunga ayo azakhalala umsebenzi ngoLwesibili.
Ngakolunye uhlangothi abazali abanengi bakhala ngokuthi ikhuphuke kakhulu intengo yendingeko zabantwana besikolo ezifana lama-uniform, ingwalo kanye lama-school fees.
Sixoxe lesakhamuzi seNkayi uMnu Methuseli Dube yena othi ulabantwana abathathu abaya esikolo njalo kakwazi lokuthi uyayithola ngaphi imali.
