amalinks wokungena

Breaking News

Ibutho Kuzulu: Lisitshayele Ucingo Lingahlukuluzwa Ngabantu Abazithi Bangamasotsha


Ibutho selikhuthaze uzulu ukuthi axhumane lalo ngocingo alubana ethe wahlukuluzwa ngabantu abazithi bangamasotsha.

Embikweni eliwethule izolo, ibutho lithe abayabe bethe baphathwa ngochuku ngamasotsha kumele balitshayele ucingo bamangame kunombolo ezithi 071 284 2318 kumbe ku 078 645 2155.

Imbiko yebutho le ilandela imbiko ethulwe ngumsakazo we-ITV wona okhulume labesifazana abedlula itshumi abathi babanjwa iganyavu ngamasotsha.

Isikhulumeli sebutho uMnu Alphios Makotore uthi abenza ubudlova lobu kayisiwo masotsha oqobo kodwa yizigebengu.

Uhulumende uke wethula amazwi afanayo njalo kunsukwana ezedluleyo esithi kulabantu abantshontsha imibhobho lama-uniform amasotsha abayibo abahamba behlukuluza abantu.

Kodwa ingcwethi kwezombusazwe uMnu Mqondobanzi Magonya utshele iStudio 7 ukuthi akakukholwa lokhu.

please wait

No media source currently available

0:00 0:02:15 0:00

Facebook Forum

XS
SM
MD
LG