amalinks wokungena

Breaking News

ZCTU: Kungamanga Ukuthi Siqoqe Okunye Njalo Ukukhalala Umsebenzi Namuhla


Inhlanganiso yeZCTU isilandule imbiko egcwele enkundleni zokuxhumana ethi isiqoqe okunye njalo ukukhalala umsebenzi okuqala namuhla.

Ugatsha olumela izisebenzi zikahulumende olweApex council luzahlangana leziphathamandla zikahulumende namuhla phezu kodaba lweholo.

Kucatshangelwa ukuthi nxa uhulumende engehluleka ukugcwalisa izikhalazo zezisebenzi zakhe, kulapho ezizaphuma khona lesinqumo sokuthi ziqhubeke yini ngokukhalala umsebenzi.

Izisebenzi zikahulumende sezazisa umqhatshi wazo ukuthi zijonge ukukhalala umsebenzi zamupha njalo lamalanga alitshumi lane avunyelwa ngumthetho ukuthi alungisise izikhalazo zazo nxa engafuni ukuthi zikhalale umsbenzi.

UChris Gande weStudio 7 uxoxe lomgcinisihlalo weZCTU esigabeni seWestern Region, uMnu Ambrose Sibindi yena othi linhlanganiso ayikahlali phansi yakhulumisana ngenyathelo emele ilithathe ngoba inkokheli yayo ebalisa unobhala jikelele, uMnu. Japhet Moyo loMongameli, uMnu. Peter Mutasa besesitokisini.

please wait

No media source currently available

0:00 0:05:40 0:00
XS
SM
MD
LG