amalinks wokungena

Breaking News

'Ukubotshwa Kwepholisa Elilodwa Akutsho Lutho; Kumele Kubotshwe Wonke Amapholisa lamasotsha Ahlukuluza Uzulu'


Lanxa uhulumene esithi elinye lamapholisa aphume kumsakazo weSky News etshaya owesilisa libotshiwe, inengi lithi kumele kubotshwe wonke amapholisa lamasotsha aphatheka ekubulaweni lekuhlukunyezweni kwabantu kumaviki phose amathathu edluleyo.

Inhlanganiso ezizimeleyo zithi bedlula itshumi ababulawa ngamasotsha lamapholisa lawa ngesikhathi elwisana labantu phezu kodlakela olwaqhamuka ukukhalaleni umsebenzi okwakuqoqwe yinhlanganiso yeZCTU.

Babikwa bebanengi njalo abahlukuluzwa nguchuku olugoqela ukudlwengulwa lokutshaywa ngezikhali ezitshiyeneyo abafana lowesilisa owatshengiswa ngumsakazo weSky News lo.

Undoda lo wayebotshwe izandla njalo etshaywa ngamapholisa amabili ngendlela ebuhlungu. Amapholisa la ayehamba lesotsha elaligaxe umbhobho.

Uhulumende uqale waphika ukuthi i-video le ithehwe ngeviki edluleyo esithi yathathwa kudala ngomnyaka ka2016 kusabusa uMugabe.

Kodwa uzulu uhlokomile lengcwethi zakhipha ubufakazi, okwenze isikhulumeli samapholisa uNkosikazi Charity Charamba wacina evuma ukuthi ngempela i-video yokuhlukuluzwa kwalundoda yathathwa yintatheliizndaba yeSky News eHarare ngeviki edluleyo.

Ngokunjalo, uthe ipholisa leli, uConstable Makunike usebotshiwe. Uthe njalo uMakunike wamiswa umsebenzi kudala phezu kwamacala awetheswayo agoqela elokuntshontsha.

Wengeze wathi baphakathi kokudinga ipholisa lesibili ayehamba lalo kanye lesotsha.

UMnu Dumisani Nkomo, ongumqoqi wenhlelo kumanyano wenhlanganiso ezilwela amalungelo oluntu, oweMatabeleland Collective, usole kakhulu uhulumende ngochuku aqhubeka eluqondise ebantwini.

Kunjalo nje umeli weMkoba edale lephalamende uMnu Amos Chibaya, olilunga leMDC, ubotshiwe njalo izolo esetheswa icala lokuqoqa ukugenqula uhulumende.

UChibaya ubeselamaviki phose amabili evalelwe esitokisini phezu kwecala lokutshotshozela udlakela.

Ubekhululwe izolo ngumthethwandaba weHigh Court kodwa amapholisa ahle amphuthuma futhi amvalela amethesa icala lokuzama ukuvukela umbuso weZanu PF.

please wait

No media source currently available

0:00 0:03:59 0:00
XS
SM
MD
LG