amalinks wokungena

Breaking News

Uzulu weZimbabwe Umanyene Wavunula Ezimnyama Esola Ukudlwengulwa Kwabesifazana Ngamasotsha


Abakhankasela ukulondolozwa kwamalungelo oluntu sebencome uzulu ngokuphatheka emkhankasweni wokusola ukudlwengulwa kwabesifazana ngamasotsha, oqhutshwe izolo.

Abasebenza ezigodlweni zezikhonzi zamazwe afana leMelika, iCanada kanye leNetherlands labo baphatheke kulumkhankaso ngokuvunula ezimnyama.

Izigodlo lezi zethule imbiko zikhuthaza uhulumende weZimbabwe ukuthi avikele abesifazana njalo ajezise amasotsha ayetheswa icala lokudwengula omama ngesikhathi ehlukuluza umphakathi phezu kokutshengisela okube khona kumaviki amathathu edluleyo.

Izisebenzi zamankampani atshiyeneyo lazo ziphathekile kulumzabalazo.

Banengi abesifazana asebephume emisakazweni efana lawonalo oweStudio 7, oweBBC kanye loweITV besithi badlwengulwa njalo bahlukuluzwa ngamasotsha.

Okhankasela amalungelo oluntu uNkosazana Kimberly Bhebhe utshele iStudio 7 ukuthi uhulumende kumele alalele izikhalazo zabazabalazi njalo amise ukuhlukuluzwa kwabesifazana.

please wait

No media source currently available

0:00 0:02:39 0:00

Facebook Forum

XS
SM
MD
LG