amalinks wokungena

Breaking News

UMnangagwa Uchitha Ikhomishini Yokulwisana Lenkohlakalo


Inengi lithi kukhona okutshaya amanzi kudaba lokutshiya umsebenzi kwamalunga ekhomishini ebona ngokulwisana lenkohlakalo eyeZimbabwe Anti-Corruption Commission izolo.

Umkhokheli walikhomishini, uMnu Job Whabira wazise ukuthi usetshiye umsebenzi ndawonye lamakhomishina akhe wonke ayithobamunwemunye.

UMongameli Emmerson Mnangagwa laye wethule umbiko ebonga amakhomishina la esithi uwafisela inhlanhla kwelakusasa.

Kucatshangelwa ukuthi ikomishini le ichithwe nguMongameli ngezizatho zokungaqhubi kuhle umsebenzi wayo.

Kulembiko njalo ethi omunye wabasekeli bakaMnangagwa uMnu Constantino Chiwenga nguye oxwayise amakhomishina la ukuthi atshiye umsebenzi.

Umkhuba wenkohlakalo ubhahile kakhulu elizweni, ikakhulu kuhulumende. Ngokunjalo, abanye bathi iZimbabwe Anti-Corruption Commission ibikhanya isehluleka ukuwuqeda lumkhuhlane.

UMnangagwa ukhangelelwe ukukhetha umgcinisihlalo walikhomishini omutsha kuthi lohlelo lokukhetha amakhomishina lalo luzale kusikhatshana esilandelayo.

UChris Gande westudio 7 uxoxe lengcwethi ecubungula ezenotho, uMnu. Masimba kuchera ukuze sizwe imbono yakhe.

please wait

No media source currently available

0:00 0:03:07 0:00
XS
SM
MD
LG