WASHINGTON DC —
Intengo yesinkwa isikhwelile isuka ku$1.40 yaya ku$2.50, okuyinto etshiye abantu abanengi bekhala.
Lokhu kubangelwe yikukhuphuka kwentengo yamafutha ezimota lokunye okusetshenziswa ekuphekeni isinkwa, kutsho inhlanganiso yeBakers Association of Zimbabwe.
Ngalokunye uhlangothi, amafutha ezimota aseqalisile ukusilela njalo elizweni, ikakhulu eHarare lakoBulawayo lapho okutshone kulendwendwe zezimota emagalajini ngoMgqibelo langeSonto.
Udubo lolu luke lwadlanga ngamandla esikhatshana esedluleyo kodwa lusuke lwaba nganeno kuviki edlulileyo.
Ingcwethi kwezenotho uMnu Reggie Shoko utshele umsakazo weStudio 7 ukuthi intengo yezinye izinto ezitshiyeneyo layo ilakho ukukhuphuka.
