amalinks wokungena

Breaking News

EleBhilithani Kuhulumende weZimbabwe: Ziyeza Izijeziso Ezintsha; Asisafuni Njalo Ukuthi Liphenduke kuCommonwealth


Uhulumende weBhilithani uthi akaseyikusekela imizamo yeZimbabwe yokubuyela kumanyano weCommonwealth kulandela ukubulawa lokuhlukuluzwa kwabantu ngamasotsha lamapholisa kumaviki amathathu edluleyo.

Lokhu kuvezwe ngumphathintambo obona ngobudlelwano baleli lizwe lamazwe aseAfrica uNkosikazi Harriett Baldwin ekhuluma emhlanganweni wephalamende yeBhilithani obuhluza udaba lweZimbabwe ngoLwesibili.

“EleBhilithani ngeke lisekele ukubuyela kweZimbabwe kuCommonwealth ngoba uchuku esilubone lusenziwa ngabezomvikela ebantwini kayisilo chuku esikhangelele ukulubona lusenziwa lilunga lalumanyano,” kutsho uBaldwin.

Wengeze wathi kuleziphathamandla zikahulumende weZimbabwe ebezingekho kuluhlu lwezijeziso abalakho ukuzethesa izijeziso lezi phezu okuhlukuluzwa kwabantu.

“Ngokuhlukuluzwa kwabantu esikubonileyo, silakho ukuqhelisa uluhlu lwezijeziso njalo sijezise labanye abantu abatsha ekade bengekho kuluhlu lwezijeziso,” uqhubeke esitsho uNkosikazi Baldwin.

Ukuhlaziya udaba lolu sixhume ingcwethi kwezombusazwe uMnu Effie Dlela Ncube yena othe uhulumende weZimbabwe uzigwaze ngowakhe ngokubulala lokuhlukuluza uzulu.

Ngokunjalo, uNcube uthe imizamo kaMongameli Emmerson Mnangagwa yokuvuselela ubudlelwano beZimbabwe lamazwe afana leMelika leBhilithani isiphelele eboyeni njengezithukuthuku zenja.

please wait

No media source currently available

0:00 0:02:51 0:00

Facebook Forum

XS
SM
MD
LG