Sokukhitshwe izidumbu zabantu abafele engozini yomgodini wegolide eKadoma ezingamatshumi amabili lane njalo kwahlengwa abantu abaphilayo abayisificaminwemibili.
Ingozi le yenzakale ngoLwesibili lapho okudubuke khona idamu eliseduzane kwasokugcwala amanzi emgodini lo kulabantu phakathi ababesemba igolide.
Kwesatshelwa ukuthi banengi abantu abemba igolide abafele kulingozi njalo sikhuluma nje imizamo yokukhipha izidumbu zabo iyaqhubeka.
Uhulumende uchothozwe kakhulu ngabanengi ngendlela aphathe ngayo loludaba besithi ngabe uphangisile ukuya kulumgodi ngabe mhlawumbe kuhlengwe ababantu abanengi.
Omunye wabemba igolide osebenzela eGwanda uMnu Sifanjani Bhebhe utshele iStudio 7 uuthi lanxa beyibona ingozi ababhekane layo ngokungena emgodini, akulalutho abangalwenza ngoba kungela misebenzi elizweni.
