Inhlanganiso yeZimbabwe Lawyers for Human Rights isole uhulumende isithi uyaqhubeka ngokuhlukuluza amagqwetha ayo kanye labalwela ukulondolozwa kwamalungelo kazulu.
Embikweni ewethule ngoLwesine, inhlanganiso le ithe ikhathazekile njalo ngokuhlukuluzwa kwabenhlanganiso ezizimeleyo labodokotela abelapha abantu abalinyazwe ngamapholisa lamasotsha kulandela ukutshengisela okwenzakale ngoZibandlela.
Ngokunjalo, iZLHR ixwayise uhulumende kaMongameli Emmerson Mnanggwa ukuthi ahloniphe amalungelo oluntu njalo atshiyane lokuhlukuluza abantu abakhankasela lawa malungelo.
Sixoxe lesiphathamanda senhlanganiso ezimeleyo eyeHabakkuk Trust uMnu Dumisani Nkomo yena othi kuyadanisa ukuthi uhulumende kaMnangagwa uqhubeka ngonyawo lukaMugabe ekwephuleni amlungelo.