amalinks wokungena

Breaking News

Ubotshiwe Umkhokheli Webandla Eliphikisayo Ezama 'Ukuyabopha' uMnangagwa, uChiwenga loMohadi


Umkhokheli webandla eliphikisayo eleIdeal Zimbabwe uMnu Tinashe Jonas ubotshiwe ngoMvulo esetheswa icala lokuthuka uMongameli Emmerson Mnangagwa waqhubeka evalelwe esitokisini ngoLwesibili.

Igqwetha lakhe uMnu Denford Halimana uthi uJonas ubotshwe esiya ehofisini kaMnangagwa esithi ufuna ukuyambopha kanye labasekeli bakhe uMnu Kembo Mohadi loMnu Constantino Chiwenga.

Wengeze wathi uJonas ubotshelwe icala lokuthuka uMnagagwa emazwini agoqela awethule emsakazweni weSABC nyakanye.

Uzamiswa emthethwandaba ngoLwesithathu.

Ukubotshwa kukaJonas kuza ngemva kokubotshwa komunye njalo umsolwa obikwa watshela umsekeli weZanu PF owayegqoke isikipa esilomfanekiso kaMnangagwa ukuthi akamthandi uMnangagwa.

Umthetho wokubopha abantu abachothoza uMongameli lo wawusetshenziswa kakhulu nguhulumende kaMnu Robert Mugabe.

Olwela amalungelo oluntu uMnu Zenzele Ndebele utshele iStudio 7 ukuthi ukubotshwa kwabantu lokhu kuveza ukuthi umbuso kaMnangagwa awutshiyananga lokaMugabe.

please wait

No media source currently available

0:00 0:02:26 0:00

Siphinde saxoxa njalo lelunga leZanu PF uMnu Joseph Tshuma yena othi abantu abathuka kumbe ukuhlambaza uMongameli welizwe kumele bajeziswe.

please wait

No media source currently available

0:00 0:02:20 0:00

Facebook Forum

XS
SM
MD
LG