amalinks wokungena

Breaking News

Bakhumbula Inkulungwane Ezabulawa yiGukurahundi eSouth Africa


Izizalwane zeZimbabwe ezihlala kweleSouth Africa njalo ezidabuka eMatabeleland zihlangene eHoly Trinity Catholic Church eJohannesburg ngoLwesihlanu zikhumbula abantu ababulawa ngesikhathi seGukurahundi.

Lokhu kwenzakale ngelanga lokunanza amalungelo oluntu eSouth Africa lapho uzulu walelolizwe abethe gwaqa khona endaweni ezitshiyeneyo enanza lolusuku.

Ngamunye ngamunye izizalwane zeZimbabwe zilandise indaba ezihlasimulisa umzimba mayelana ngokubulawa kwezihlobo zazo.

“Nxa kuyikuxolelana kabasinikeze ilizwe lethu. Siyalazi lama-borders akhona konke siyakwazi,” kutsho uMnu Wisdom Mkhwananzi odabuka eNkayi yena othi uyise wabulawa libutho leFifth Brigade kwathi unina wabulawa yizinyalo zokutshaywa.

“Okwesibili amanye amadoda kawabotshwe. OMnangagwa, oShiri laboChiwenga kababotshwe behambe ejele ngokubulala abantu.”

Udaba lukaMkhwananzi luthelele abantu abanengi ekade besembuthanweni lo usizi, abagoqela inkosi yakoMthwakazi uBulelani Lobhengula Khumalo.

Inengile lithe kumele kwethulwe uhlelo lokungcwaba inkulungwane lenkulungwane zabantu abafela kumbuqazwe weGukurahundi ngesizotha.

Abanye njalo batshele izinduna ebezikulumbuthano ukuthi bakhathazekile ngokuthi akulahlelo oluqhutshwa zinkokheli zomdabu ukwelapha amanxeba eGukurahundi loba ukuxhasa labo abaphazanyiswa yilumbuqazwe.

Kodwake induna uNhlanhlayamangwe Ndiweni ubaphendule ngokuthi inkosi isikhona, induna sezikhona sekusele ukuthi uMthwakazi ase elimeni.

“Nxa amahlabezulu engaphakami ngomnyakalo, sekuphelile. Ngiyacela ukuthi inkulumo le yalamhlanje yombuqazwe iGukurahundi isihlanganise, sibe ngabantu banye, sikhulume into eyi 1 singaduhi,” kutsho uNdiweni.

please wait

No media source currently available

0:00 0:02:23 0:00

Facebook Forum

XS
SM
MD
LG