amalinks wokungena

Breaking News

'Ngaphandle Kokuthi Uhulumende Exolise, Udaba lweGukurahundi Kalusoze Luphele'


Lanxa uhulumende esithi sesungule uhlelo lokupha abantu abathintwa ngumbuqazwe weGukurahundi izithupha zokuzalwa lezokudlula emhlabeni, abanye bathi ukuze udaba lolu lulungisiswe ngokugcweleyo, kumele uhulumende acele uxolo kuzulu weMatabaleland loweMidlands.

Uhulumende wazise izolo ukuthi phezu kokupha ama-birth lama-death certificates, usevumela abantu ukuthi bakhulume ngodaba lweGukurahundi bekhululekile.

Wazise njalo ukuthi abafuna ukungcwaba izihlobo zabo kakutsha labo bavunyelwe, kodwa uthe kumele baqale bamazise ukuze ebaphe imvumo.

Umbuqazwe weGukurahundi wabulalisa abantu abeldula inkulungwane ezingamatshumi amabili, 20,000 eMidlands laseMatabeleland phakathi kuka1983 lo1987 becobodiswa libutho leFifth Brigade elalithunywe nguMnu Robert Mugabe esanda kuba nguMongameli.

UMongameli Emmerson Mnangagwa lomsekeli wakhe uMnu Constantino Chiwenga ngabanye babetheswa icala lokuphatheka kulumbuqazwe ndawonye lezinye iziphathamandla zikahulumende.

Sixoxe lengcwethi kwezombusazwe uMnu Mqondobanzi Magonya yena othi ngaphandle kokuxolisa, amanyathelo athethwe nguhulumende la kasoze aluqede ugaba lweGukurahundi.

please wait

No media source currently available

0:00 0:02:36 0:00
XS
SM
MD
LG