amalinks wokungena

Breaking News

Uzibuse Unanzwa Uzulu Ehlukene Ngemibono Phezu Kombuso kaMnangagwa


Uzulu weZimbabwe uphakathi kokulungiselela ukunanza ilanga lokuthola uzibuse ngoLwesine kuliviki abanengi beveza imbono atshiyeneyo ngombuso kaMongameli Emmerson Mnangagwa.

Lo ngumnyaka wesibili uMnangagwa esembusweni kulandela ukugenqulwa kuMnu Robert Mugabe ngamasotsha ngoLwezi, 2017.

Umqondisi wenhlanganiso yeFreedom First Project (FFP) uMnu Dumisani Mpofu utshele umsakazo weStudio 7 ukuthi kajabuli lakancane ngokwenzakalayo kwezomnotho.

“Ikhuba liyatshona ngenxa yendaba yabo yonaleyo eyeExchange Rate phakathi kweBond Note,amaRTGS lamaUS Dollars,” kutsho uMpofu.

Umfundisi Sinothi Ndlovu oweNational Patriotic Front uthe ngokwenzakalayo kwezenotho lakwezombusazwe, kukhanya kubuvilibana phambili.

“Alubana khona ngabe ngumuntu ngabe kuthiwa ukuIntensive Care. Abantwana esibazalayo bazaze beguge belindele ukuthi bebone ukuthi kuyini okwenzakalayo. Akulalutho lapha olukhona yikujabulela udubo kuphela,” kutsho uNdlovu.

Ilanga likazibuse linanzwa mhlaka 18 kuMabasa lapho ilizwe elakhululeka khona embusweni wabahuquluzi ngomnyaka ka1980.

please wait

No media source currently available

0:00 0:03:59 0:00

Facebook Forum

XS
SM
MD
LG