Umtshutshisi omkhulu kahulumende weMelika ngoLwesine wethule impumela yocwaningo lokudingisisa ukusebenzelana okuthiwa kwaba khona phakathi kukaMongameli Donald Trump lohulumende weRussia ngesikhathi sokhetho lweMelika ngo2016.
Kugwalo olumumethe impumela le, owayekhokhela ucwaningo lolu uMnu Robert Mueller uthe lanxa nje wafumana ukubana bakhona abantu bakaTrump abasebenzelana labantu beRussia, akulacala eladalwayo.
Kudaba lokuthi uTrump wazama yini ukwenqabela isandla somthetho esasimcubungula, uMueller uthe ubengekhe atsho. Kodwa uthe ubengeke athi uTrump umsulwa njalo kuloludaba.
Okunye okukugwalo lolu kucitshiwe njalo akubaleki ngoba uhulumende weMelika esithi kulakho ukuphambanisa nhlalakahle yelizwe alubana kuthe kwabonakala.
Le yinto ecunule kakhulu amalunga edale lephalamende awebandla eliphikisayo elamaDemocrats. Ukuhaziya loludaba sixhume isiphathamandla seMDC-T eMelika uMnu Den Moyo.
