amalinks wokungena

Breaking News

Amakholwa Ananza Ukuvuka kukaJesu Edanile Kulandela Ukufa kwamaChristu Angu207 eSri Lanka


Amakholwa esiChristu emhlabeni jikelele, okugoqela eZimbabwe, ebeqhubeka ngokunanza ikhefu lephasika ngeSonto ethakazelela ukuvuka kukaJesu Christu.

Kodwa ukujabula lokhu kusuke kwaphanjaniswa yikubhonjwa kwamathempele kweleSri Lanka lapho okufe khona amaChristu edlula amakhulu amabili, 207.

Abafele kuzehlakalo lezi bagoqela izizalwane zakulelolizwe, ezeMelika, ezeBhilithani lezakwamanye amazwe atshiyeneyo.

UMongameli Emmerson Mnangagwa lomkhokheli weMDC uMnu Nelson Chamisa, bona abangamakholwa, basole isehlakalo lesi bathumela amazwi enduduzo ebantwini beSri Lanka.

EZimbabwe khona amakholwa amanengi ananze iphasika ekhonona ngokoma kwempilo okubangelwa yikudula kwezinto ezimqoka empilweni; kubike intatheli yethu uAnnahstacia Ndlovu.

please wait

No media source currently available

0:00 0:03:09 0:00

Kusenjalo, abakholelwa emadlozini bona bathi lanxa iphasika ingekho esikweni labo, bayayihlonipha ndawonye lalabo abakholwa kuyo.

please wait

No media source currently available

0:00 0:02:50 0:00
XS
SM
MD
LG