WASHINGTON DC —
Kulebhasi yenkampani yeGreyhound ebivela kweleSouth Africa isiya koBulawayo etshe yaba ngumlotha ngoLwesibili ekuseni eBeitbridge.
Abantu abanengi balahlekelwa yimpahla engena kunkulungwane lenkulungwane zamadola.
Ababone lingozi isenzakala bathi kube yinhlanhla ukuthi abekho abafileyo kumbe abalimeleyo. Amapholisa athi asacwayisisa imbangela yalingozi.
Nyakenye kube lengozi efanayo eWest Nicholson duzane leGwanda lapho kufe khona abantu abedlula amatshumi amane.