amalinks wokungena

Breaking News

Abezomkhathi: UCyclone Kenneth Kasoze Afinyelele eleZimbabwe


Abasinda kuCyclone Idai

Uhulumende sexwayise izakhamizi endaweni ezitshiyeneyo ezigoqela eChimanimani leChipinge ukuthi ziqaphele ngoba izulu lesiphepho elizayo uCyclone Kenneth lilakho ukudala umonakalo.

Lanxa ugatsha olubona ngezomkhathi belusithi izulu leli kalisoze lifike eZimbabwe, ugatsha olubona ngokuvikela lokuhlenga uzulu olweCivil Protection luthi isiphepho lesi sizafika eZimbabwe njalo sizatshaya emazweni agoqela eleMozambique, eTanzania kanye leleMalawi.

Lolugatsha luthi njalo ngaphandle kweChimanimani leChipinge, isiphepho lesi silakho ukuhlasela eMt Darwin, eMbire, eMuzarabani, eNyanga, eMasvingo, eMutoko, eMudzi laseGokwe North.

Umqondisi wogatsha lweCivil Protection uMnu Nathan Nkomo uthi inkokheli yezigaba lezi kumele ihlale izilungiselele ukuncedisa abantu alubana izulu leCyclone Kenneth lithe ladala umonakalo.

Izulu leli lizaqala ukuna namuhla. Isigaba seChipinge leseChimanimani zike zahlaselwa yisiphepho seCyclone Idai kwafa abantu abedlula amakhulu amathathu ngenyanga edluleyo.

Sixoxe lesakhamuzi seChipinge uNkosazana Sally Mlambo yena uthi kuyadanisa ukuthi uhulumende wehlulekile ukuxwayisi uzulu wesigaba sakhe lakwezinye indawo kusalesikhathi.

please wait

No media source currently available

0:00 0:02:46 0:00

Facebook Forum

XS
SM
MD
LG