amalinks wokungena

Breaking News

MDC: Isinqumo Senkantolo Phezu Kobukhokheli bukaChamisa Siyize Kithi


Ibandla leMDC elikhokhelwa nguMnu Nelson Chamisa lithi umhlangano walo wokukhetha inkokheli entsha, oweCongress, uzaqhubeka kulinyanga kungelani lesinqumo senkantolo esokuthi uChamisa usesikhundleni ngokungekho emthethweni.

Usethula isinqumo lesi izolo, umthethwandaba uthe ngokunjalo, kumele iMDC ikhethe inkokheli yayo entsha kungadlula inyanga eyodwa isebenzisa ingatsha zebandla ezazikhona ngo2014.

IHigh Court inqume njalo ukuthi owayengumholi weMDC uMnu Morgan Tsvangirai, yena obhubhe nyakenye, wephula umthetho ngokukhetha uChamisa loMnu Elias Mudzuri ukuthi babe ngabasekeli bakhe phezu kukaNkosikazi Thokozani Khupe.

Ibandla leMDC lithi kalivumelani lesinqumo lesi njalo lithi lizasiphikisa maduze emthethwandaba weSupreme Court.

Omunye wabasekeli bakaChamisa uMnu Welshman Ncube uthi kuyamangalisa ukuthi umthethwandaba uthi uChamisa loMudzuri bakhethwa ngokungekho emthethweni wona uke wanquma ukuthi bakhethwa nguTsvangirai ngemfanelo.

Isikhulumeli sikaChamisa, uDr. Nkululeko Sibanda utshele iStudio 7 ukuthi isinqumo lesi siyize kubo njalo kasisoze siphazamise inhlelo zabo.

please wait

No media source currently available

0:00 0:02:57 0:00
XS
SM
MD
LG