amalinks wokungena

Breaking News

Uthukuthele Uzulu weZimbabwe Ngokucitshelwa Amandla Kagetsi


Uzulu weZimbabwe seveze ukuthukuthela phezu kokucitshwa kwamagatsi okuqale ngeviki ephelileyo njalo okukhangelelwe ukuqhubeka okwesikhathi eside.

Inkampani kahulumende ebona ngokusetshenziswa kwamagetsi, eyeZimbabwe Electricity Transmission & Distribution Company, ithi isititshi sayo seKariba Power Station asisenelisi ukuphehla amandla anela ilizwe ngoba idamu elikhulu leKariba selilamanzi amalutshwana.

Ngokunjalo, inkampani le ithi isivala amagetsi okwamahola alitshumi ngelanga elizweni lonke jikelele emizameni yokuwalondoloza.

IZimbabwe Electricity Transmission & Distribution Company yethule uhlelo lwayo namuhla oluveza ukuthi izacitsha amagetsi ngaphi lokuthi sikhathi bani.

Uhlelo lolu luzaphatha uzulu wonke jikelele kanye lamankampani. Isakhamusi sakoBulawayo uMnu Msomi Mlilo uthi uzulu sethwele nzima.

please wait

No media source currently available

0:00 0:01:31 0:00

Amazwi kaMlilo agcizelelwe yisakhamusi seNgwizi, eMangwe District, uMnu Raphael Ncube yena ophila ngokwemba igolide.

UMnu Ncube utshele iStudio 7 ukuthi ukucitshwa kwamandla kagetsi lokhu sokuphazamisa indlela yakhe yokuziphilisa.

please wait

No media source currently available

0:00 0:01:34 0:00

Ngaphandle kokuphehla amagetsi eKariba, eHwange lakwezinye izititshi ezigoqela esikoBulawayo lesiseHarare, eleZimbabwe livame ukuthenga amandla la emazweni afana leSouth Africa.

Kodwa libikwa lingasenelisi ukuqhubeka lisenza lokhu ngenxa yezikwelede.

Lanxa kunjalo, umphathintambo obona ngezamagetsi kanye lokuytholakala kwamafutha ezimota elizweni, uMnu Joram Gumbo ubikwa ezakuya eMozambique ukuyakhulumisana lohulumende wakulelolizwe ngokuthengisela eleZimbabwe amagetsi.

Ingcwethi kwezenotho uMnu Masimba Kuchera uthi ukuvalwa kwamagetsi lokhu kuzawucobodisa umnotho weZimbabwe, wona ovele ungamanga kuhle, uhle uguqe ngamadolo.

please wait

No media source currently available

0:00 0:02:34 0:00

Facebook Forum

XS
SM
MD
LG